Tragjike në shkollën e mesme të Amerikës, 17-vjeçari vret një studente dhe më pas veten 22/01 22:21
Ministriat e jashtëm të grupit të vendeve latine Mercosur kanë hapur një samit dy-ditor ku uruguajani Omar Paganini është takuar sot me komisionerin tregtar të BE, Maros Sefcovic, në Montevideo.
Ursula von der Leyen gjithashtu pritet të takohet me presidentët e vendeve të Mercosur më 6 dhjetor për të finalizuar marrëveshjen tregtare të ushqimit mes dy blloqeve, e cila është kundërshtuar nga fermerët francezë dhe të disa vendeve të tjera për kushte të pabarabarta tregtare dhe ulje të standardit të ushqimit në Evropë.
Një nga shqetësimet e fermerëve protestues dhe zyrtarëve evropianë është gjurmimi i origjinës së mishit brazilian, në mënyrë që “të mos kullotet në zonat e shpyllëzuara të Amazonës”, shkruan rrejti AFP.
Brazili është gjigandi bujqësor i Amerikës Latine dhe eksportuesi i dytë më i madh i mishit të lopës.
Brazili thotë se mishi i tij është i cilësisë më të mirë dhe pa shkelur normat mjedisore, por kritikët thonë se ky import i vendos fermerët evropianë përballë një konkurrence të padrejtë.
Fermerët në Francë e Poloni kanë qenë në krye të protestave ndaj marrëveshjes, të ndjekur nga Belgjika dhe Italia, ku fermerët thonë se marrëveshja është shkatërrim për bujqësinë vendase dhe cilësinë e ushqimit në BE.
Zhvillimi vjen teksa javës që shkoi gjiganti i supermarketeve në Francë, Carrefour tha se nuk do të shesë më mish me origjinë nga vendet e Mercosur pasi nuk plotësonte standardet kombëtare./AFP/
Top Channel
