Ndahet nga jeta Mbretëresha e Suedisë, historia e veçantë e jetës së saj 04/12 18:16
Debbie Nelson, nëna e Eminemit, marrëdhënia e vështirë me djalin e saj, e cila u pasqyrua në pjesën më të madhe të muzikës së tij të mëparshme, ka vdekur në moshën 69-vjeçare.
Përfaqësuesi i reperit, Dennis Dennehy, ka konfirmuar vdekjen e nënës së tij për mediat amerikane.
Shkaku i vdekjes ende nuk është konfirmuar, por Nelson dihej se kishte kancer në mushkëri, teksa Eminem ende nuk ka komentuar publikisht për vdekjen e sak.
Marrëdhënia e vështirë me nënën e tij u zbulua më së shumti në një nga hitet e tij më të mëdha, Cleanin’ Out My Closet. Në këngën e vitit 2002, Eminem e akuzon me furi atë për abuzim dhe neglizhencë të drogës.
Përmes disa vargjeve, ai shprehet se ka qenë dëshmitar kur nëna e tij merrte pilula droge, teksa shtoi: “Vazhdon t’i thuash vetes se ke qenë nënë”.
Nelson e paditi djalin e saj për shpifje në vitin 1999 për një tjetër nga hitet e tij, My Name Is, por më vonë tha se ishte ide e avokatit të saj dhe u vendos jashtë gjykatës për 25,000 dollarë.
Reperi, i cili luftoi problemet e tij me barnat me recetë, lidhi përvojat e tij të varësisë me ato të nënës së tij, duke thënë se kjo është arsyeja pse ai i merrte ato, pasi ishte si nëna e tij, në këngën e vitit 2009 “My Mom”.
Top Channel
