Turqia shkarkon edhe dy kryetarë kurdë 22/11 22:00
Vidat që siguronin turbinat gjigante të erës, ishin liruar gjatë natës së djeshme në një refuzim të politikave të energjisë së rinovueshme në Sardenja të Italisë.
Ky është incidenti i disatë i sabotimit gjatë këtij viti, perveç protestave ndaj turbinave e paneleve diellore.
Zyrtarët thonë se “vera e gjatë dhe erërat e forta” e bëjnë ishullin vendndodhje kryesore për energji diellore, por vendasit ankohen se Sardenja po shfrytëzohet, se turbinat po prishin panoramën e po vrasin zogjtë, ndërsa panelet diellore po bllokojnë tokën bujqësore.
“Ka pasur refuzim të ashpër të politikave të energjisë së rinovueshme, është një situatë e tensionuar, ka vandalizëm dhe tentativa intimidimi ndaj zyrtarëve,” tha Marta Battaglia, drejtuese e degës ambjentaliste Legambiente në Sardenja.
“Njerëzit thonë se imjantet e rinovueshme na trembin … shkatërrojnë panoramën dhe identitetin e ishullit”, shton më tej Battaglia.
Rezistencë të tilla ndaj këtyre projekte të kërkuara nga BE ka pasur gjithashtu në Francë e Britani.
Por Battaglia thotë se panorama në ishullin mesdhetar ka ndryshuar prej zjarreve që kanë rënë sezonet e fundit, të cilat ngrinin tymin e drurëve mbi plazhet me rërë të bardhë.
Komuniteti në Sardenja mbështetet kryesisht të qymyri dhe 74 e rrymës elektrike vjen nga djegia e biomasës ose qymyrit ne centrale.
Itali kërkon të eliminojë impjantet e djegies dhe Roma ka kërkuar që dy centralet në Sardenja të mbyllen deri në vitin 2028.
Por kryebashkiakja Alessandra Todde e zgjedhur në shkurt është zotuar të ndalojë atë që quan “pushtimi” nga energjia e rinovueshme, pas kërkesave të shumta për leje imjantesh.
Kritikët thonë se impjantet do të prodhojnë më shumë energji nga sa ka nevojë vendi por Todde mbajti premtimin e saj elektoral duke vendosur në korrik një moratorium 18 mujor në projektet e reja.
Qeveria e Romës thotë se do ta hedhë në gjyq.
Demonstrues që thërrasin “Larg duart nga Sardenja!” u mblodhën muajin që shkoi në parlamentin rajonal në Cagliari duke kërkuar ndalimin e këtyre projekteve te ‘energjise se gjelber’.
“Ne prodhojmë energji veëtm për shtepitë e Sardenjës dhe nuk duam korporata ndërkombëtare që të na kolonizojnë”, tha protestuesi 36-vjeçari vendas Davide Meloni për rrjetin AFP.
Grupet e ambjentin fajësonin për zhvillimet dezinformacionin mbi imjantet e energjisë së rinovueshme, ndërsa protestuesit fajësonin për prishjen e ishullit të tyre kompanitë e mëdha, Romën dhe BE.
“Sardenja është sinonim i botës së egër dhe bukurive natyrore, këto kemi trashëguar nga të parët, dhe do të luftojnë për t’i ruajtur për fëmijët”, tha për rrjetin AFP, 54-vjeçarja Marta Rosas duke treguar me dorë nga turbinat gjigantë që kanë mbushur kodrat.
Top Channel
