Juventusi nuk është në shitje, Elkann: Jam krenar që kam qenë aksionar kontrollues për më shumë se një shekull 07/11 21:16
Është hedhur në Nyon të Zvicrës shorti për fazën finale të Ligës së Kombeve ku bien në sy katër çiftet big të fazës çerekfinale ku më e madhja është padyshim klasikja europiane Itali-Gjermani, por edhe Spanjë-Holandë.
Ndërkohë dy çiftet e tjera çerekfinaliste do të jenë Kroaci-Francë dhe Danimarkë-Portugali.
Fituesit e katër çifteve do të përcaktohen pas dy takimeve vajtje-ardhje, që do të luhen më 20 dhe 23 mars.
Në këtë short sigurisht janë hedhur edhe shortet për fazën e play off-it për Ligën e Kombeve, ku përfaqësuesja e Kosovës ka mësuar tashmë kundërshtarin.
Dardanët janë në garë për një vend në një ligë më sipër, nga C në B pasi u renditën në vendin e dytë të Ligës C në fazën e grupeve. Këtë garë përfaqësuesja e Kosovës do ta ndajë Islandën.
‘Play-off’-et e Ligës B/C dhe ‘play-off’-et e Ligës A/B, si dhe çerekfinalet e Ligës A, do të zhvillohen të gjitha të enjten më 20 dhe të dielën më 23 mars 2025. Kështu më 20 mars 2025, Kosova e pret Islandën në stadiumin ‘Fadil Vokrri’, teksa pas tri ditëve, më 23 mars do të luajë ndeshjen e kthimit në Islandë.
Ndryshe, Islanda përfundoi e treta në Grupin 4 të Ligës B të Ligës së Kombeve, pas Uellsit dhe Turqisë. Islanda në letër është kundërshtari më i lehtë në letër por edhe për fajktin që zë vendin e 70-të në renditjen e FIFA.
Po si funksionon kjo fazë e Ligës së Kombeve?
Tetë skuadrat do të garojnë për trofeun, dy më të mirat në secilin grup të Ligës A të Nations League, të cilat do të përballen me njëra-tjetrën në ndeshjet në shtëpi dhe transfertë, të planifikuara në muajin mars.
Përveç mundësisë së ngritjes së trofeut, kushdo që e mbyll turneun në vendin e parë do të ketë edhe një mundësi kualifikuese shtesë për Botërorin e vitit 2026.
Top Channel
