“Duhet të luftojmë”, Zelensky tregon çfarë i duhet Ukrainës për t’u futur në NATO: Do anëtarësohemi shumë shpejtë 22/12 22:51
Interesi për të ashtuquajturat “viza të arta” nga qytetarë të pasur amerikanë është shtuar ndjeshëm në Evropë pas zgjedhjeve në SHBA, teksa sipërmarrësit po kërkojnë qytetari të re me anë të investimeve apo blerjes së pronave.
Për momentin kjo llogaritet vetëm me shtimin e interesimit për procedurat, që sipas raportimeve të agjencisë së qytetarisë Henley and Partners, është shtuar katërfish.
Evropa ishte destinacioni më i kërkuar nga shtetasit e SHBA, në rritjen që përkon me fitoren e zgjedhjeve nga Donald Trump.
Në një kohë kur Britania nuk ofron më “viza të arta” , të pakënaqurit duhet të kënaqen me vendet jo-anglisht folëse të Evropës, sipas skemës së ofrimit të rezidencës ose qytetarisë në këmbim të kontributeve financiare.
Kriteret varet nga vendet e ndryshme, por në përgjithësi individët duhet të investojnë në vendin e ri duke blerë prona ose hapur biznese, për të terguar qëllimet e tyre serioze ndaj “atdheut të ri.”
Në Portugali për shembull, kërkesa minimale për një lëvizje të tillë është në masën €250,000 ne blerje ose investime, ndërsa në Spanjë qeveria ka caktuar ‘përkushtimin’ me €500,000.
Vende të tjera mund të kërkojnë aftësi të gjuhës vendase apo të qëndrimit të mëparshëm në vend për një numër të caktuar ditësh çdo vit.
Në këmbim, individëve u jepet opsioni për t’u rivendosur dhe bërë rezident “me të drejta të plota për të jetuar punuar, studiuar dhe të kujdesit shëndesor”, shkruan rrjeti britanik ITV.
Pas disa vitesh qëndrimi individët mund të aplikojnë për qytetarinë e vendit pritës, si në rastin e Portugalisë ku nevojiten pesë vjet.
Legjislacioni i ‘vizave të arta’ ekziston në më shumë se 100 vende dhe ne 60% të vendeve evropiane, sipas monitoruesve Henley and Partners.
Portugalia e Malta janë dy nga destinacionet e preferuara të qytetarëve amerikanë, të ndjekura nga Greqia, Italia e Spanja, të cilat kanë kërkesa më të reduktuara dokumentacioni.
Kjo pasi vendet anglisht-folëse që ata do të preferonin më shumë Britania e Irlanda, kanë hequr papritur legjislacionin vitin që shkoi.
Mediat e majta evropiane thonë se shtytja e fundit nxitet nga rezultati zgjedhjeve në SHBA, teksa agjencia Arton Capital, tha për rrjetin ITV News se kishte marrë më shumë se 100 kërkesa interesimi pas zgjedhjeve.
Por gjithsesi tendenca e zhvendosjes së amerikanëve të pasur e të moshuar drejt Evropës ka nisur që prej epokës Covid, kur erdhi dhe pasiguria dhe përçarjet e mëdha shoqërore e politike në SHBA, ashtu si në të gjitha vendet e botës.
Top Channel
