Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Gjiganti i prodhimit të automjeteve Ford tha sot se do të shkurtojë 800 vende pune në Britani brenda tre vjetëve të ardhshme si pjesë e një fushate të gjerë shkurtimesh në Evropë.
Kompania citon si arsye presionin për zhvendosjen drejt automjeteve elektrike dhe restrukturimin e bizneseve në Evropë.
Llogaritet se Ford punëson rreth 5,300 njerëz në Britani dhe kërkon që “shumica e reduktimeve të kryet me largime vullnetare nga puna”.
Propozimet reduktojnë forcën e saj punëtore në Britani me 15%, shumica e të cilëve do të vijnë nga postet administrative apo në rolet e “zhvillimit të produktit”.
Restrukturimi i tyre pritet të përfundojë në vitin 2027.
Ford tha se dobësia e saj në tregun e makinave elektrike do të reduktojë prodhimin e tipeve Explorer e Capri, dhe kjo do të prekë stafin e fabrikave në Këln, Gjermani.
Dave Johnston, drejtues evropian i Ford tha: “Jemi krenarë për produktet tona në Evropë dhe krijimin e biznesit kompetitiv, por tani duhet të ndërmarrin veprim drastik për të siguruar konkurueshmërinë në të ardhmen.
Reduktimet evropiane do të reduktojnë 2.3% të 174,000 punonjësve të saj në të gjithë botën.
Vitin e kaluar në Britani kompania shkurtoi 1,300 vende pune dhe 3,800 në të gjithë Evropën, shkruan rrjeti britanik The Packet.
Top Channel
