Pas takimit me Macronin, Mickoski shprehet optimist për integrimin evropian 08/11 22:26
Ai u dënua me 13 burg dhe u urdhërua të kthejë 208,938 dollarë.
Një ish-drejtor banke është dënuar me burg në SHBA pasi shfrytëzoi pozitën e tij për të vjedhur 200,000 dollarë drejtpërdrejt nga llogaria e klientit të tij te moshuar, njoftonin zyrtarët.
43 vjeçari James Gomes, nga New York, “kishte shfrytëzuar pozitën e tij si drejtor i degës lokale për të fituar akses të jashtëligjshëm te llogaria e klient dhe të vidhte shumën totale prej $208,938.68,” thuhet në deklaratën e departamentit të drejtësisë së SHBA.
Gomes, pa autorizim, kishte lidhur numrin e tij personal të celularit me llogarinë e klientit dhe me shërbimet e tij bankare online, thanë zyrtarët.
Gomes kishte transferuar fondet e klientit në mars e prill 2020te llogaria e tij si dhe në institucione të tjera financiare.
“Për të mbuluar skemën e tij Gomes kishte krijuar një adresë të rreme email-i, të cilën e përdorte për biseda fiktive, për të bërë të dukej se klienti po ia kërkonte transferimet”, thuhet në padi.
“Gomes kishte vazhduar më pas skemën e mashtrimit edhe pas vdekjes së klientit më 5 prill”.
Prokurori i entit mbikqyrës financiar MLARS (Criminal Division’s Money Laundering and Asset Recovery Section) Mark J. Pesce dhe prokurori i New Jersey ndoqën çështjen, shkruan rrjeti ABCNews.
Top Channel
