A do t’i jap Trump fund luftës? Putin jep shpresë: Jam gati të rinis kontaktet me Perëndimin 07/11 22:48
Pallati madhështor i drejtësisë në Bruksel ka fshehur bukurinë e tij për banorët teksa është mbajtur i mbyllur e i veshur me skela prej 40 vjetësh.
Zyrtarët thonë tashmë se ‘rinovimit pambarim’ po i afrohet fundit dhe një pjesë e skelave do të hiqen prej këtij viti. Ndërsa fasada kryesore nuk do të mund të zbulohet para vitit 2030.
“Bukuroshja jonë e fjetur është në procesin e zgjimit,” thotë Jean-Pierre Buyle, drejtori i fondacionit Poelaert duke shtuar se përshpejtimi i zbulimit u arrit “me përfshirjen dhe nxitjen e qytetarëve”.
Përfaqësuesi qeveritar Mathieu Michel e quante shtyrjen e pashpjegueshme të punimeve “të papranueshme”, sidomos heqjen e kafazit të metaltë që ka veshur ndërtesën, që parashikohet vetëm në 2030.
Ndërtesa e arkitektit belg Joseph Poelaert e vitit 1860, tregonte statusin e lartë të Belgjikës si fuqi koloniale, dhe është më e madhe se Bazilika e Shën Pjetrit në Romë, duke mbuluar rreth 26,000 metra katrorë.
Maja e saj është një kupolë bakri, ndërsa fasada madhështorë është e mbushur me skulptura e gdhendje.
Por ajo është mbyllur nga tubat e metalit prej kaq shumë kohësh sa banorët kanë harruar imazhin e saj.
Nuk dihet arsyet e sakta të shtyrjes së pabesueshme 40 vjeçare të punimeve.
Fillimisht u tha se kontraktuesi origjinal kishte falimentuar dhe projekti u në objekt kalimeve në nivele të ndryshme të qeverisë.
Në 2023, qeveria federale që zotëron ndërtesën, njoftoi se ishte dhënë leja për rinisjen e operacioneve të punës. Që pritet të përfundojnë në 2030, kur Belgjika shënon 200 vjetorin.
Ndërsa planet e rinovimit të ambjenteve të brendshme duhet të presin edhe një tjetër dekadë pasi kërkojnë “shumë para, energji e vendosmëri”, tha zyrtari Buyle, sipas rrjetit AFP.
Top Channel
