Ambasadori izraelit: Marrëveshja për armëpushim me Hezbollahun mund të arrihet brenda ditësh 25/11 11:54
Një grua në Australi ka treguar sesi u martua me ‘të dashurin e ëndrrave’ që pranoi si të tijët dy fëmijët e saj, por 18 muaj më vonë bota e saj u shemb kur ai vdiq papritur nga një atak kardiak i pashpjeguar.
29 vjeçarja Cassie u martua me Jake Mumberson një vit e gjysmë më parë teksa ai adoptoi dhe dy djemtë e saj Zak and Nix nga një marrëdhënie e mëparshme.
Por 32 vjeçari nga Sidney vdiq papritur dhe tashmë gruaja dhe tre fëmijët e tyre mbajnë zi për të.
“Fëmijët e mi e quanin atë ‘baba’”, tregon Mumberson për rrjetin Daily Mail Australia ndërsa shton se ata kishin sjellë në jetë dhe bijën e tyre dy vjeçare, Willow.
Mumberson, i cili kishte biznesin e tij të punimit te gardheve e kopshteve, ishte shtuar në spital për një sëmundje tjetër, kur u nda papritur nga jeta javës që shkoi.
“Dy orë pasi shkuam aty ai humbi ndjenjat dhe pësoi atak kardiak. Ishte diçka krejt e papritur”, thotë Cassie.’
Ajo shton se ishte gjithashtu tragjike t’i jepte lajmin fëmijëve të tyre.
“Nëna e Jake kishte ndërruar jetë vitin që shkoi dhe fëmijët e donin shumë atë, prandaj i thashë se ai ka shkuar në qiell me nënën e tij.’
“Vajza ime dy-vjeçare nuk kupton gjë, por djali im është gjashtë dhe i madhi nëntë, ai sigurisht që kupton”.
Zonja Mumberson tregon më tej sesi po përpiqet të përballojë vdekjen e bashkëshortit.
“Jam ende e shokuar, nuk i kontrolloj dot të gjitha emocionet, njëherë trishtohem e qaj, më pas jam e lumtur”.
Vdekja e papritur e zotit Mumberson bëri që familjarët të mos kishin planifikuar një funeral.
Për t’i ndihmuar ata, mikja e familjes Millie Jadrijevic ka ngritur një faqe donacionesh, teksa komenton:
“Papritur e padrejtësisht Jake u nda nga gruaja Cass, nga Zak e Nix që i konsideronte si të tijët, dhe nga e bija Willow. Rrugëtimi i tyre në jetë ndryshoi përgjithmonë”.
Jadrijevic tha se shoqja e saj tashmë duhet të përballojë humbjen e bashkëshortit duke u mundur të kujdeset sa më mirë të mundet për ter fëmijët, teksa inkurajonte donacione për të ndihmuar familjen në rrugën e rekuperimit, shkruan Daily Mail.
Top Channel
