Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Stoianoglo, ish-prokuror i përgjithshëm i shkarkuar nga detyra prej Sandu, ka mohuar se është pro-Kremlinit.
Presidentja moldave pro-evroiane Maia Sandu ka fituar një mandat të dytë pas zgjedhjeve të tensionuara të së dielës, që konsideroheshin si një zgjedhje e orientimit të vendit ose nga Evropa ose Rusia.
Komisioni elektoral tha se Sandu fitoi 55% të votës sipas rezultateve paraprake në vendin ish-sovjetik, ku pjesëmarrja e votuesve shënonte 54% sipas rrjetit BBC, pra rreth çereku i votuesve ka dhënë asaj votën.
Në një fjalim dje vonë ajo tha se do të jetë presidente e të gjithë moldavëve.
Rivali i saj Alexandr Stoianoglo, i mbështetur nga partia ruse socialiste kishte bërë thirrje për marrëdhënie më të afërt me Moskën.
Dje këshilltarët e presidentes kishin deklaruar se ka pasur “ndërhyrje masive” nga Rusia në procesin elektoral, me qëllim “shtrembërimin e rezultatit”.
Rusia mohonte akuzat duke i quajtur qesharake.
Por edhe Stoianoglo, ish-prokuror i përgjithshëm i shkarkuar nga detyra prej Sandu, ka mohuar se është pro-Kremlinit.
Me mbylljen e votimit, si 52 vjeçarja Sandu dhe rivali i saj falënderuan votuesit, teksa Stoianoglo e bënte këtë edhe në gjuhën ruse edhe në atë rumune. Gjuha rumune është e folura kryesore në Moldavi, ndërsa edhe gjuha ruse flitet gjerësisht prej të kaluarës sovjetike të vendit.
Stoianoglo ishte fillimisht në krye të votave në Moldavi, me më shumë se 51%, por Sandu fitoi në kryeqytetin Chisinau, dhe besohet se u mbështet nga moldavët në emigracion.
Mbrëmë vonë ajo vlerësonte votën e emigrantëve duke thënë se “Moldavia ka dhënë një leksion demokracie, që duhet të shkruhet në librat e historisë”.
Moldavia ka qenë për 51 vjet republikë sovjetike, e kufizuar në lindje e perëndim nga Ukraina e Rumania. Ajo është një nga vendet më të varfra në Evropë, ka një popullatë prej 2.5 milionë dhe rreth 1.2 milionë në emigracion.///BBC/
Top Channel
