Autobusi rrëzohet në një përrua, 8 të vdekur dhe 26 të plagosur 27/12 19:08
Presidenti ukrainas, Volodymyr Zelensky kritikoi atë që e ka quajtur përgjigje “zero” ndaj zhvendosjes së trupave koreano-veriore në Rusi për luftën në Ukrainë, duke thënë se reagimi i dobët do ta inkurajojë presidentin Vladimir Putin ta përforcojë numrin e trupave ushtarake.
Në një intervistë me kanalin koreano-jugor televiziv KBS, Zlensky ka thënë se beson se Moska veçse po përpiqet të bjerë dakord me Korenë e Veriut për të dërguar inxhinierë dhe “një numër të madh të civilëve” për të punuar në bazat ushtarake ruse.
“Putini po e shikon reagimin e Perëndimit… Dhe besoj se pas këtyre reagimeve, ai do ta rrisë numrin e trupave… Reagimi i tanishëm është asgjë, është zero”, ka thënë Zelenksy.
Ai e paralajmëroi publikisht përfshirjen e Koresë së Veriut në luftë më 13 tetor. Aleatët perëndimorë që atëherë e kanë përshkruar masën si përshkallëzim të madh, por nuk kanë njoftuar masa hakmarrëse ose nuk kanë thënë se po përgatiten të zbatojnë ndonjë.
Koreja e Jugut ka ofruar ndihmë të inteligjencës dhe mbështetje më të gjerë në këtë çështje, si dhe po konsideron ta dërgojë një ekip të monitoruesve ushtarakë në Ukrainë.
Rusia nuk e ka mohuar përfshirjen e trupave koreano-veriore në luftë. Koreja e Veriut në fillim e ka mohuar përfshirjen, por që atëherë e ka mbrojtur idenë e vendosjes së trupave, si përputhje me të drejtën ndërkombëtare.
Zelensky ka thënë gjithashtu se ishte i befasuar nga “heshtja” e Kinës, ekonomia e dytë në botë, rreth zhvendosjes së trupave.
Toni i drejtpërdrejtë i retorikës së Zelenskyt vuri në dukje rritjen e zhgënjimit ukrainas mbi shtrirjen e mbështetjes perëndimore për Kievin, në këtë kohë kritike të luftës me Rusinë, me zgjedhjet presidenciale të SHBA-së që po afrohen.
Top Channel
Top News – Spiropali bën bilancet e vitit. Kryeparlamentarja: Krijuam mundësinë e votës së diasporës
Top News – Murtaja afrikane e derrave prek Lezhën. Ndalohet shitja në tregje, kontrolle në çdo fermë
