Një aksident tragjik ka ndodhur mëngjesin e kësaj të diele në rrugën Delvinë-Kardhiq, pranë fshatit Fushë Vërri, në bashkinë e Delvinës.
Një automjet ka përplasur një banor, i cili po ecte në rrugë së bashku me një lopë dhe një gomar.
Si pasojë e goditjes, banori ka humbur jetën në vend, ndërkohë edhe të dy kafshët kanë ngordhur nga përplasja. Ngjarja ka ndodhur rreth orës 3:45 të mëngjesit në afërsi të rrethrrotullimit të fshatit Bajkaj.
Viktima është Luan Xhuvani 72 vjeç. Drejtues i mjetit Engjëll Ogiçi 63 vjeç, dyshohet se ka humbur kontrollin mbi drejtimin e automjetit tip “Benz” dhe ka aksidentuar këmbësorin, 72 vjeçar e më pas, është përplasur me një tjetër automjet tip “Benz”.
Sipas informacioneve, viktima kishte blerë një lopë, por nuk i kishte pëlqyer dhe ishte nisur nga fshati i tij Fushë Vërri për ta çuar në fshatin Bajkaj, atje ku e kishte blerë.
Top Channel
