Mashtrim miliarda dollarësh me klimën në Kinë 26/12 08:56
Kreu i Organizatës Botërore të Shëndetësisë (OBSH), Tedros Adhanom Ghebreyesus, ka paralajmëruar se situata në Gazën veriore është “katastrofike” mes operacioneve “intensive” që zhvillohen rreth dhe brenda objekteve të kujdesit shëndetësor.
“Një mungesë kritike e furnizimeve mjekësore, e shoqëruar nga aksesi jashtëzakonisht i kufizuar, po i privon njerëzit nga kujdesi për shpëtimin e jetës në veri të territorit palestinez”, tha ai.
Komentet e tij erdhën pasi forcat izraelite u tërhoqën nga spitali Kamal Adwan në Gazën veriore të shtunën, një ditë pasi sulmuan atë. Rrethimi “erdhi me një kosto të rëndë”, tha Tedros.
Shefi i OBSH-së tha se 44 personel meshkuj të spitalit ishin ndaluar, duke lënë vetëm personelin femër, drejtorin e spitalit dhe një mjek mashkull që të kujdeseshin për afro 200 pacientë “në nevojë të dëshpëruar për kujdes mjekësor”.
“Raportet e objekteve spitalore dhe furnizimeve mjekësore që janë dëmtuar ose shkatërruar gjatë rrethimit janë të mjerueshme”, shkroi Tedros.
Top Channel
