Albin Kurti po i pret qëllimisht zgjedhjet parlamentare, të planifikuara në 9 shkurt të vitit të ardhshëm, për ta dërguar draft-statutin për themelimin e Asociacionit të komunave me shumicë serbe në Kosovë për shqyrtim në Gjykatën Kushtetuese të vendit.
Analisti politik nga Prishtina, Artan Muhaxhiri mendon se ka arritur t`i lexojë lëvizjet e kryeministrit të Kosovës, të cilat sipas tij, do të bëjnë që bashkësia e komunave me shumicë serbe të mbetet detyrë e kreut të ardhshëm të ekzekutivit.
“Kombinimet e reja pragmatike të autoriteteve mund të ofrojnë opsione për zgjidhje të suksesshme”, tha eksperti për REL.
Muhaxhiri megjithatë mendon se Kurti nuk do të mund ta shmangë këtë çështje pafundësisht, dhe nëse i fiton zgjedhjet e ardhshme, sepse trysnia e bashkësisë ndërkombëtare do të jetë më e fortë. Ai pret që, në muajt e ardhshëm, kryeministri ta intensifikojë diskursin e tij kundër Asociacionit, “duke shpresuar të ketë një efekt pozitiv zgjedhor populist”.
Në 21 tetor u mbush një vit nga koha kur përfaqësuesit e BE-së, SHBA-së, Francës, Gjermanisë e Italisë i prezantuan Kosovës dhe Serbisë draft-statutin e Asociacionit të komunave me shumicë serbe. Pavarësisht insistimit të ndërkombëtarëve, Kurti ka refuzuar megjithatë të hedhë hapin e parë drejt krijimit të tij, dhe në vend të kësaj, e dërgoi draft-statutin për shqyrtim në Gjykatën Kushtetuese.
Top Channel
