“Dërgoni raketat Ukrainës sa më shpejt”, Parlamenti Europian i bën presion Berlinit për raketat me rreze të gjatë Taurus
23/11 13:00
“Fanatikët e Bashkimit Europian janë në Shqipëri”, u shpreh kryeministri Edi Rama, në konferencën e përbashkët për shtyp me Presidenten e Komisionit Europian, Ursula Von der Leyen, që ndodhet sot për vizitë zyrtare në Tiranë.
Kreu i qeverisë theksoi se e vetmja pikë, për të cilën shqiptarët nuk debatojnë, është mendimi se “vendi i Shqipërisë është në BE dhe që e ardhmja e fëmijëve tanë duhet të ndërtohet në BE”.
Edi Rama: Jam këtu bashkë me ju edhe për të konfirmuar, afirmuar, të gjitha ato që Shqipëria i ka demostruar në këtë rrugë të përbashkët në aspektin e të qëndruarit krah për krah në BE. Shqipëria, e përfshirë pa kursim në të gjitha ritualet, në aspektin e afirmimit të parimeve vlerave që bashkojnë këtë komunitet vendesh dhe popujsh të Europës. Nuk dua të zgjatem më shumë se jam i bindur se pas çeljes zyrtarisht të negociatave dhe në momentin që fillon turi juaj në BE ka shumë më tepër interes se çfarë do të thoni ju se sa çfarë do të them unë. Do ta mbyll me një falenderim të ndjerë, se pa kontributin tuaj, nuk do të ishim këtu.
Jo thjesht për të përsëritur se një ditë do të jemi bashkë, por për ta afruar atë ditë edhe më shumë. Ne shqiptarët jemi të ndarë pothuajse në çdo gjë, jemi në gjendje të bëjmë debat edhe për ngjyrën e murit, edhe për orët, sa është data sot, por ka një gjë për të cilën shqiptarët nuk kanë asnjë debat, që vendi ynë, vendi i Shqipërisë është në BE dhe që e ardhmja e fëmijëve tanë duhet të ndërtohet në BE. Të kontribuojmë që kjo të ndodhë sa më shpejt, mirëserdhët në vendin më proeuropian në Europë. Fanatikët e BE-së janë në Shqipëri.
Top Channel
