Në tetë Presidentë që ka pasur Shqipëria nga 1990 deri më sot, Ilir Meta është i treti që ka mbajtur këtë detyrë që arrestohet.
Ish-Kreut të Shtetit i vendosën sot prangat në një nga rrugët e Tiranës, pas urdhrit të SPAK, i cili e akuzon për korrupsion dhe pastrim parash.
Përpara tij, këtë fat e ka pasur edhe Ramiz Alia, i cili bëri edhe disa vite burg, ndërkohë që ish-Presidenti Sali Berisha ka një masë për arrest shtëpie, teksa dosja e tij tashmë ka shkuar në gjykatë.
Ilir Meta është arrestuar pas urdhrit të kryeprokurorit të SPAK, Atin Dumani dhe prokurorit Sotir Kllapi.
Ky i fundit është prokuror i SPAK prej majit 2020, ndërkohë që më parë ka qenë drejtues i prokurorisë së Pogradecit si dhe prokuror në Tiranë, Fier dhe Durrës.
Top Channel
