Forcimi i bashkëpunimit mes Shqipërisë dhe Turqisë/ Cilat janë marrëveshjet e firmosura sot mes Ramës dhe Erdoganit?

Por cilat janë këto marrëveshje?

Marrëveshjet e firmosura:

-Deklarata e synimit mbi bashkëpunimin në fushën e sigurimeve në bujqësi të mbështetur nga shteti midis Ministrisë së Bujqësisë dhe Zhvillimit Rural të Republikës së Shqipërisë dhe Ministrisë së Bujqësisë dhe Pylltarisë të Republikës së Turqisë.

Zyrtarët nënshkrues:

Znj. Anila Denaj, Ministër i Bujqësisë dhe Zhvillimit Rural;

Z. Ibrahim YUMAKLI, Ministër i Bujqësisë dhe Pylltarisë së Turqisë

-Protokoll ndërmjet Ministrisë së Arsimit dhe Sportit të Republikës së Shqipërisë dhe Këshillit të Lartë të Arsimit të Republikës së Turqisë për Hapjen e Degës, Njësisë Akademike, Programeve të Studimit nga Universiteti Teknik i Stambollit në Shqipëri.

Zyrtarët nënshkrues:

Znj. Ogerta Manastirliu, Ministër i Arsimit dhe Sportit;

Z. Erol Ozvar, President i Kryesisë së Këshillit të Arsimit të Lartë e Republikës së Turqisë.

-Memorandumi i Mirëkuptimit ndërmjet Agjencisë për Media dhe Informim të Republikës së Shqipërisë dhe Drejtorisë së Komunikimit të Presidencës së Republikës së Turqisë për bashkëpunim në fushën e marrëdhënieve me publikun dhe komunikimin.

Zyrtarët nënshkrues:

Z. Alteo Hysi, Drejtor i Përgjithshëm i Agjencisë për Media dhe Informim;

Z. Fahrettin Altun, Drejtor i Komunikimit të Drejtorisë së Komunikimit të Presidencës së Republikës së Turqisë

Top Channel