“Të mbyllet Tik Tok”, disa sociologë e shikojnë të rrezikshëm qëndrimin në rrjete sociale
21/11 19:52
Në Mallakastër u nderuan dy pilotët Azbi Serani dhe Luto Sadikaj, të cilët ranë në krye të detyrës 52 vite më parë. Në një ceremoni solemne u nderua sakrifica e dy qytetarëve të nderit në Mallakastër.
Luto Sadikaj humbi jetën në një aksident tragjik ku një zog hyri në motorin e avionit të tij menjëherë pas nisjes, duke shkaktuar një shpërthim fatal. Petrit Bebeci, i pranishëm në momentet e fundit të Sadikajt, kujtoi sesi ndodhi ngjarja.
Azbi Serani, nga ana tjetër, humbi jetën gjatë një stërvitjeje të madhe ushtarake të zhvilluar në rajonin e Belshit më 4 tetor 1972. Ai ishte pjesë e një formacioni avionësh dhe humbi jetën pasi një predhë shpërtheu në momentin e lëshimit nga avioni i tij.
Aviacioni shqiptar, i krijuar në vitin 1951, arriti kulmin e tij gjatë viteve 1970-1975, si në armatime ashtu edhe në përgatitjen e pilotëve. Gjatë kësaj periudhe, 39 pilotë dhe 4 teknikë avionësh kanë humbur jetën në krye të detyrës.
Top Channel
