Përfundon votimi në disa pjesë të Kentucky dhe Indiana, mbyllen qendrat e para të votimit në SHBA 06/11 00:14
Përplasjet e forta dhe debatet kanë përfshirë atmosferën e kësaj të enjteje një orë nga nisja e seancës plenare.
Deputetët e opozitës të përjashtuar nga Komisioni i Etikës kanë bllokuar të pesta hyrjet e Kuvendit, duke mos lejuar deputetët dhe ministrat e maxhorancës.
Noka: Ju hajdutët…
Hasani: Ti je narko
Noka: Unë jam zgjedhur me votën e popullit ti je me firmë. Jeni hajdutë
Peleshi: Kujto se çfarë ke bërë.
Peleshi: S’po dini se çfarë po thoni, po flisni përçart.
Deputetët e Partisë Demokratike mbërritën këtë mëngjes në ambientet e Kuvendit, një orë para se të niste seanca plenare. Ata u përballën me Gardën e Republikës, që qëndronte përballë hyrjes kryesore, por edhe në hyrjet e tjera të Kuvendit. Ndërsa, dyert anësore ishin mbyllur me dryn.
Megjithatë, deputetët e opozitës tentuan të hyjnë me forcë në sallën e parlamentit, por pasi dështuan me këtë plan, u përpoqën që të paktën, të mos hyjnë brenda as kolegët e tyre socialist.
Në këto çaste, pati për përplasje të forta mes opozitës dhe mazhorancës. Megjithatë, socialistët ia dolën të hyjnë në parlament, për të zhvilluar seancën plenare, që zgjati jo më shumë se 30 minuta.
Sekretariati i Etikës përjashtoi Flamur Nokën, Gazment Bardhin dhe Bledjon Nallbatin me 60 ditë nga punimet e Kuvendit, ndërsa Edi Palokën me 10 ditë. Ndërkohë 20 deputetët e tjerë u përjashtuan me 40 ditë.
Vendimi erdhi pas kërkesës së grupit parlamentar të PS për marrjen e masës disiplinore për 24 deputetë të PD, pas kaosit të shkaktuar në Kuvend ditën e hënë, dhe djegien e karrigeve.
Top Channel
