Gjermania “lodhet” nga ukrainasit/ Nëse fitojnë zgjedhjet, konservatorët do shkurtojnë ndihmat për 1.2 milionë refugjatë 25/11 13:30
Presidenti rus, Vladimir Putin, ka ndarë një video-mesazh për të shënuar përvjetorin e dytë të asaj që Rusia e quan “Dita e Ribashkimit” – dy vjet që nga koha kur Moska zyrtarisht pretendoi se rajonet e Donetsk, Luhansk, Zaporizhzhia dhe Kherson janë të saj.
Pasi mbajti referendume – të dënuara gjerësisht si falsifikime – në të katër rajonet më 30 shtator 2022, Putin nënshkroi një dokument me udhëheqësit nga Rusia të rajoneve të pushtuara për t’i inkorporuar ato në mënyrë të njëanshme në Federatën Ruse, pavarësisht se Rusia nuk i kontrollon plotësisht territoret.
Që nga fillimi i pushtimit në shkallë të plotë të Rusisë në shkurt të vitit 2022, Kievi ka rritur përpjekjet e tij për anëtarësim në NATO dhe BE, hapa që i konsideron si jetike për vetëmbrojtjen dhe pavarësinë e saj nga Rusia, por kundërshtohen nga Moska.
Putin tha kur filloi luftën se qëllimi i tij ishte të çmilitarizonte dhe “denazifikonte” Ukrainën – një deklaratë e hedhur poshtë nga Kievi dhe perëndimi si një pretekst për një konflikt ekspansioni të stilit perandorak.
“E vërteta është në anën tonë. Të gjitha objektivat e vendosura do të arrihen”, tha Putin në video-mesazhin e tij të hënën.
Ai vazhdoi të kritikonte “elitat perëndimore” të cilat ai pretendon se “e kthyen Ukrainën në koloninë e tyre, një bazë ushtarake që synonte Rusinë” dhe që nxiste “urrejtje, nacionalizëm radikal … armiqësi ndaj gjithçkaje ruse”.
“Sot ne po luftojmë për një të ardhme të sigurt dhe të begatë për fëmijët dhe nipërit tanë”, tha Putin.
Top Channel
