Tentoi të vrasë ish-presidentin Trump, i akuzuari deklarohet i pafajshëm 30/09 21:09
Burri shpeton thesin e miellit pas permbytjeve ne Katmandu [Foto: Prakash Mathema/AFP]
Grupet e shpëtimit e kërkimit në kryeqytetin e Nepalit kërkojnë prej ditësh mes baltës së përmbytjes teksa niveli i ujërave por tërhiqet, duke zbuluar tragjedinë e shkaktuar ne vendin e varfër aziatik.
Sot zyrtarët thonin se numri i viktimave prej reshjeve të rënda dhe rrëshktijes së dheut ka arritur në 193 në vendin e maleve Himalaje, ndërsa rreth 30 vetë rezultojnë ende të humbur.
Lagje të tëra në kryeqytetin Kathmandu u përmbytën nga shirat më të rëndë në dy dekada dhe qendra e vendit u shkëput nga pjesa tjetër e vendit rrëshkitjeve të dheut në autostrada.
“Fokusi ynë është në kërkimin e shpëtimin, duke përfshirë edhe njerëz të bllokuar na autostrada,” tha ministri i brendshëm Rishi Ram Tiwari.
Analistë vendas thonin se përmbytjet ishin përkeqësuar nga ndërhyrjet pranë lumit Bagmati që përshkon në mes kryeqytetin.
Ushtria e Nepalit tha se shumë njerëz ishin shpëtuar me helikopterë, barka e motobarka.
Një stacion metorologjik pranë Kathmandu regjistroi 240mm shi të rëna në 48 orë, që është masa më e madhe që prej vitit 2002.
Sezoni shirave hedh në këtë rajon aziatik rreth 70-80 përqind të masës vjetore të reshjeve, që janë vitale për bujqësinë dhe prekin rreth 2 miliardë njerëz.
Por vitet e fundit intensiteti dhe ashpërsia e tyre është rritur papritur duke dëmtuar rëndë komunitetet dhe të korrat e tyre.
Më shumë se 300 njerëz besohet se kanë vdekur sivjet në Nepal në katastrofa të papritura të motit, shkruan rrjeti Al Jaseera.
Top Channel
