Vdekja e liderit më të lartë të grupit militant/ Çfarë mund të bëjnë më pas Hezbollahu, Izraeli dhe Irani? 28/09 23:01
Izraeli vijon të sulmojë Libanin, ndërsa e gjithë zona është pushtuar nga zhurma e sirenave, të cilat sinjalizojnë kalimin e raketave dhe dronëve.
Aktualisht ekipi i Top Channel aktualisht po raporton nga Nahariya, qyteti më verior bregdetar në Izrael.
Në pamje duket momenti kur kalon një dron izraelit dhe sulmohet nga mbrojtja air dome.
Top Channel po raporton prej ditësh në zonën e rrezikshme në kufi me Izraelin dhe Libanin, ndërsa po përcjell minutë pas minute situatën e ndezur atje.
Hezbollahu ka konfirmuar vdekjen e liderit të saj Hassan Nasrallah , pasi Izraeli tha se ai u vra në sulmet e tij ajrore në kryeqytetin libanez të Bejrutit të premten.
Vrasja shënon një përshkallëzim të madh në konfliktin afatgjatë dhe thellon frikën për një luftë më të gjerë rajonale .
Nasrallah ishte një nga themeluesit e Hezbollahut, i cili u formua katër dekada më parë me ndihmën e Iranit dhe mbikëqyri transformimin e tij në një nga forcat paraushtarake më të fuqishme në Lindjen e Mesme.
Sulmet që vranë Nasrallah kishin në shënjestër një zonë me popullsi të dendur, duke vrarë të paktën gjashtë personadhe duke plagosur dhjetëra të tjerë, sipas Ministrisë së Shëndetësisë së Libanit. Izraeli po kryen më shumë sulme të shtunën në ato që thotë se janë objektiva të Hezbollahut në Bejrut, pasi zyrtarët libanezë raportojnë mbi 1,000 njerëz të vrarë që nga java e kaluar .
Rreth gjysmë milioni njerëz mund të jenë zhvendosur nga luftimet e fundit në Libanin jugor, thotë ministri i Shëndetësisë së vendit.
Top Channel
