Zjarri në rafinerinë e naftës në Greqi, raportohet për tre të plagosur
17/09/2024 19:49
Hill: SHBA-ja nuk sheh prova që e lidhin Beogradin me sulmin në Ibër-Lepenc 23/12 12:26
Tre punëtorë kanë mbetur të lënduar si pasojë e zjarrit në impiantet e një rafinerie nafte në Korinth, Greqi.
Autoritetet greke bëjnë me dije se flakët janë vënë nën kontroll, ndërsa ende nuk dihen shkaqet e zjarrit. Tre të lënduarit janë transportuar në spital për të marrë ndihmë mjekësore.
Vetë rafineria e naftës ka dalë në një deklaratë ku thotë se “Sot, 17 shtator, një zjarr i rëndë ka ndodhur në zonën e njësive të rafinimit të rafinerisë jugore të rafinerive të Motor Oil në Agioi Theodorou. Shkaqet mbeten ende të panjohura.
Si pasojë e zjarrit kanë mbetur të plagosur lehtë 3 punonjës të një kompanie kontraktore bashkëpunuese, të cilët janë dërguar në spitalin e Korintit dhe po marrin të gjithë kujdesin e nevojshëm”.
Top Channel
