Ekspertët: Zbutja e varfërisë mund të zbusë krizën e migracionit 25/11 07:18
Sulmuesi i dyshuar për atentatin e dukshëm ndaj ish-presidentit amerikan Donald Trump është paraqitur para një gjykate në Florida.
Është konfirmuar se ai nuk ka qëlluar me armë drejt Trump, por sipas autoriteteve kishte planifikuar një atentat.
Ryan Wesley Routh, 58 vjeç, akuzohet për posedim i një arme zjarri nga një kriminel i dënuar dhe posedim i një arme zjarri me numër serial të bllokuar. Vepra e parë dënohet me burgim deri në 15 vjet, ndërsa e dyta pesë vjet. Seanca e radhës është caktuar për të hënën e ardhshme për të përcaktuar nëse ai duhet të qëndrojë në paraburgim.
Zyra e Sherifit të Kontesë Martin ka publikuar një imazh të të dyshuarit Ryan Routh i veshur me një bluzë rozë me duart pas shpine. Ajo është realizuar në momentin e arrestimit të tij ditën e djeshme dhe është fotoja e parë e tij e publikuar nga autoritetet.
Pavarësisht nga sjellja e tij e qetë dhe e buzëqeshur përpara se të fillonte seanca, i dyshuari Routh nuk shprehu asnjë ndjesi, ndërsa procesi gjyqësor po zhvillohej, gjithmonë duke iu përgjigjur “Po, i nderuar” pyetjeve të gjyqtarit.
Trump mbeti i padëmtuar nga sulmi, ku kjo është përpjekja e dytë ndaj jetës së tij në dy muaj. Ish-presidenti publikoi një mesazh në platformën e tij në rrjetet sociale “Truth”, me shprehjen: “LUFTO, LUFTO, LUFTO!!!!!”.
Presidenti Joe Biden foli shkurtimisht me gazetarët këtë mëngjes për herë të parë që nga atentati i dytë ndaj Trump. “Shërbimi Sekret ka nevojë për më shumë ndihmë,” tha Biden ndërsa u largua nga Shtëpia e Bardhë.
Ai u tha gazetarëve se nuk ka marrë ende një raport të plotë të incidentit të së dielës dhe vuri në dukje se ishte mirënjohës që Trump ishte mirë.
Top Channel
