Izraeli ka arritur sukses të rëndësishëm në javët e fundit, por merr kritika nga SHBA! A kanë ata një strategji për kohën e pas luftës? 13/10 09:27
Akti normativ që kufizon dy punësimin e mjekëve dhe ndryshimet që u bënë në Ligjin e Urdhrit të Mjekut ka nisur të diskutohet në komisionin parlamentar të shëndetësisë.
Urdhri i Mjekut ka shprehur mosdakortësinë pasi u cenon pavarësinë.
President i Urdhrit të Mjekut, Fatmir Brahimaj thotë: “Çfarë kuptimi ka që qeveria më bën kriteret dhe unë i zbatoj? Unë jam ent i pavarur”.
Ky projektligj që ka mbërritur në komisionin e shëndetësisë ka hasur në kundërshtinë e deputetëve të opozitës të cilët e konsiderojnë antikushtetues.
Deputeti Triatan Shehu i ka bërë thirrje mjekëve të ngrihen në protestë si studentët e mjekësisë
“Ngrihuni si studentët, po ju trajtojnë si bujkrobër, po ju shkelin dinjitetin”, shprehet Tritan Shehu.
“Lëreni të qetë Urdhrin e Mjekut të bëjë punën e tij. Qeveria të bëjë kontratën më mjekun dhe të kontrollojë zbatimin e kontratës, është shumë e thjeshtë”, thotë Petrit Vasili.
Urdhri i Mjekut më herët ka deklaruar se do ta çojë në Gjykatë Kushtetuese këtë projektligj nëse miratohet ashtu siç vepruan studentët e mjekësisë.
Top Channel
