“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Marrëdhënia jashtëmartesore e ministrit italian të Kulturës, Gennaro Sangiuliano, është bërë kryefjalë e mediave në Itali, por edhe jashtë vendit.
Gruaja, Maria Rosaria Boccia, ka publikuar disa dokumente, që sipas saj tregojnë se ka punuar si këshilltare e ministrit italian dhe ka marrë pjesë në udhëtime të shumta pune.
Udhëtimi me pagesë
“Sangiuliano dhe unë u takuam më 5 gusht. E kam shoqëruar si këshilltare për ngjarjet e mëdha dhe e kam ditur gjithmonë se ministria ka paguar, sikurse e nxjerrin në pah emailet që kam marrë nga kreu i sekretariatit”, u shpreh Boccia, që komentoi më tej deklaratat e Sangiuliano në intervistën 15-minutëshe në Tg1: “Ai zbuloi informacione të pasakta. Unë kam qenë gjithmonë me ministrin, jo në udhëtime të shkurtra, por gjithmonë në udhëtime të gjata”.
Koncerte dhe ngjarje
Sipas Boccia, ajo dhe Sangiuliano kanë marrë pjesë në evente dhe koncerte, shpenzimet e të cilave janë mbuluar nga buxheti i ministrisë.
“Kemi bërë edhe transferime personale, për koncerte si Coldplay dhe Il Volo. Nga Roma, ne u nisëm për në Pompei. Ne shkuam në eventet e mia personale dhe private, ku ai donte të merrte pjesë. Një event në bazën e Forcave Ajrore në Romë dhe një tjetër, por ashtu në Romë.
Shantazh ndaj ministrit
Boccia, e cila është e njohur në rrjetet sociale, ka shkuar më tej duke pretenduar se ka disa njerëz që shantazhojnë ministrin për përfitimet që ajo ka marrë. “Kam dëgjuar biseda me mesazhe konkrete nga njerëz që për mendimin tim kanë shantazhuar ministrin. Mund të them se ka redaktorë të të përjavshmeve”, u shpreh Boccia.
“Kjo është arsyeja pse unë regjistrova gjithçka”
Në intervistë, Boccia shpjegoi pse nga fundi i korrikut e në vazhdim vendosi të regjistrojë gjithçka për marrëdhëniet me ministrin e Kulturës: “Sepse më tha një frazë që më goditi shumë: ‘Unë jam ministër, jam. burrë, unë përfaqësoj institucionin dhe në të ardhmen askush nuk do t’i besojë gjithçka që thua’.”
“Meloni, seksiste me mua”
Boccia i konsideron “seksiste” qëndrimet e kryeministres Meloni ndaj saj, kur ajo e përkufizoi atë si “person tjetër” në televizion: “Kushdo që i referohet vlerave të të qenit grua ka të drejtë dhe detyrë të mbrojë dinjitetin e saj si çfarë bëri personi tjetër (Meloni). Pyes veten se përse më trajtojnë me arrogancë. Sjellja seksiste duhet denoncuar gjithmonë, siç bëri edhe duke përdorur rrjetet sociale, sepse një grua duhet të mbrojë dinjitetin e saj pavarësisht nga roli që ka”, tha ajo.
Ndërkohë, stafi i Sangiuliano njoftoi se këtë të premte ministri “do të takohet me avokatët e tij për të vlerësuar paraqitjen e një ankese në Prokurorinë Publike”.
Çështja mbetet ende e nxehtë dhe hipoteza e dorëheqjes së ministrit vazhdon të qarkullojë.
Top Channel
