6-vjeçari me aftësi të veçanta futet në studio, Shqipe Hysenaj në lot. E ëma: Jam krenare dhe e lumtur për djalin tim! 15/09 19:55
Modelja australiane Elle Macpherson tha se disa anëtarë të familjes së saj e konsideronin “ekstreme” zgjedhjen e saj për të shmangur kemioterapinë.
Modelja tashmë 60 vjeçare tha në një intervistë se preferoi trajtimin ‘holistik’ përkundër atij farmaceutik të kemioterapisë, pas diagnozës së kancerit të gjirit.
Macpherson i kishte mbajtur të fshehta problemet shëndetësore prej disa vitesh.
“Ishte e rëndë, e papritur”, tha Macpherson për revistën Women’s Weekly në lidhje me diagnozën e sëmundjes.
Doktorët i kishin rekomanduar asaj të kryente mastektomi (heqje kirurgjikale të gjijve), terapi radiacioni, kemioterapi, terapi hormonesh dhe rindërtim të gjinjve.
Por në vend që të pranonte menjeherë këshillën e mjekëve Macpherson, thotë se përfitoi për të kërkuar thellë te vetja, për të gjetur një zgjidhje që i përshtatej më mirë asaj.
Supermodelja thotë se brenda disa javëve mori këshilla nga 32 doktorë e ekspertë kanceri, dhe arriti në vendimin final për diagnozën: ajo nuk donte kemioterapi.
Prandaj ajo thotë se zgjodhi atë që quan një qasje ‘intuitive, bazuar te zemra, ose holistike’, edhe pse nën mbikëqyrjen e doktorit të saj kryesor.
Macpherson thotë: “E kuptova se duhet të gjeja të vërtetën time, me sistemet e mia të besimit, dhe këtë arrita të bëja”.
“Ishte një stërvitje e mrekullueshme për të qenë e drejtë me veten, të kisha besim te vetja për t’u shëruar, te natyra e trupit tim, për rrugën që kisha zgjedhur”.
Ajo shton se zgjodhi një kombinim terapish dhe ndryshim të stilit të jetesës, me qëllim trajtimin e shërimin e pacientit, por pa dhënë detaje. Tradicionalisht protokollet e kurave alternative janë kryesisht me baze bimore e minerale, dhe ndryshime te stilit te jetesës bazuar te dieta.
Ajo shton se disa nga familjarët u tmerruan që zgjodhi rrugën më të panjohur të trajtimit.
“Fëmjët e mi më kanë mbështetur në zgjidhjet e mia, edhe pse e dija se ishin të tmerruar”.
Macpherson thotë se babai fëmijëve të saj, ish-bashkëshorti Arki Busson, ishte i tmerruar që ajo nuk ndoqi rrugën “konvencionale farmaceutike”.
“Ai e konsideronte ‘ekstreme’ që unë refuzova kemioterapinë, ndërsa unë vetë konsideroja ‘ekstreme’ kemioterapinë dhe kirurgjinë”.
Macpherson thotë se ishte shumë e vshtirë të refuzonte këshillat e doktorit të saj, teksa shton: “Më e vështirë do të ishte t’i thoja ‘jo’ intuitës time, sesa doktorit, por ia dola”, shkruan rrjeti Labbible.
Top Channel
