“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Në prag të mbylljes së misionit si arqipeshkëv metropolit i Arqipeshkvisë Shkodër-Pult, imzot Angelo Massafra kërkon nga autoritetet vendore t’i japin zgjidhje përfundimtare problemit të qindra banorëve për rrugën e paasfaltuar të Komanit, por edhe të turistëve që kalojnë përmes saj.
“Është katastrofike dhe e pasigurt për jetën e vendasve dhe është shumë e rrezikshme edhe për shëndetin e punëtorëve të hidrocentralit! Mijëra turistë çdo ditë kalojnë atë rrugë për të shkuar në Fierz, në Valbonë dhe në Lumin Shalës… dhe jo vetëm turistët por edhe banorët e zonës”, thotë Massafra.
Imzot Angelo Massafra thotë se që prej vitit 1992 pasuritë nëntokësore në këto zona janë shfrytëzuar masivisht.
“Prandaj natyrshëm Ju pyes: Çfarë kthimi (përfitimi) ekonomik, për pasuritë të shfrytëzuara, kanë patur deri tani familjet që banojnë në ato zona ose do të kenë në të ardhmen?”, shton ai.
Mungesën e investimeve, Arqipeshkëvi e lidh edhe me emigrimin e shumë banorëve të kësaj zone. Për ta mbyllur ankesën, imzot Angela Massafra zgjodhi fjalët e Papa Franceskut.
Top Channel
