Borrell: Qëllimi i sulmeve në Liban, përhapja e terrorit 20/09 09:53
Policia në Spanjë është në kërkim të një burri të dyshuar për vrasjen e një djali 11-vjeçar me një thikë në një fushë futbolli, raportojnë mediat lokale.
Mësohet se viktima ka qenë duke luajtur me fëmijët e tjerë kur është sulmuar nga një person me kapuç.
Sulmi ndodhi në Mocejon, pranë qytetit të Toledos, në Spanjën qendrore të dielën e 18 gushtit.
I dyshuari, i raportuar se është një i ri rreth 18 vjeç, është larguar menjëherë nga vendi i ngjarjes, teksa kanë nisur kërkimet.
Transmetuesi RTVE tha se burime qeveritare konfirmuan se sulmi ndodhi rreth orës 10:00 me kohën lokale, duke shtuar se një duzinë patrulla po kërkonin të dyshuarin dhe një helikopter i është bashkuar kërkimit.
Mocejon, një qytet me një popullsi prej rreth 5,000 banorësh, është vendosur të shpallë tre ditë zie zyrtare, sipas mediave spanjolle.
Milagros Tolon, përfaqësuesi i qeverisë spanjolle në rajonin Castilla-La Mancha, postoi në X: “Me pikëllim të madh mora lajmin për vrasjen e një të mituri në Mocejón (Toledo) pasi u sulmua me një objekt të mprehtë. Garda Civile ka zhvilluar një operacion të gjerë për kapjen e autorit. E gjithë dashuria ime për familjen dhe miqtë e të ndjerit, si dhe për njerëzit e Mocejón”.
Top Channel
