Turqia shkarkon edhe dy kryetarë kurdë 22/11 22:00
Ngjitja e Zëvendës Presidentes Kamala Harris në krye të demokratëve ka riformuar në mënyrë dramatike hartën elektorale të 2024 që në fillim të këtij viti, kur gara dukej se ishte midis një presidenti jopopullor dhe të moshuar në detyrë dhe ish-presidentit që ai mundi katër vjet më parë.
“Rruga drejt 270”, harta elektorale e sondazheve nga CNN tregon një drejtim pozitiv për Harris dhe sugjerojnë se ajo ka më shumë shtigje potenciale drejt 270 votave elektorale sesa kishte presidenti Joe Biden kur ishte kandidati kryesor i demokratëve.
Ky këndvështrim aktual e kthen gjendjen e garës aty ku ishte në ditët e fundit të fushatës 2020, me shtatë shtete të fushëbetejës si terreni qendror ku kandidatët dhe fushatat e tyre do t’i kushtojnë pjesën më të madhe të kohës për të fituar Shtëpinë e Bardhë.
Pikëpamja e mëparshme zgjedhore e CNN kishte ish-presidentin Donald Trump me një avantazh të qartë në kërkimin e 270 votave elektorale. Ky avantazh është zhdukur me hyrjen e Harris në garë dhe suksesin e saj të shpejtë në bashkimin e Partisë Demokratike dhe rikthimin e forcës politike me disa zona kyçe të cilat kanë qenë pjesë e koalicioneve fituese të kohëve të fundit për kandidatët demokratë.
Pavarësisht ndryshimit të momentit, është e rëndësishme të theksohet se kjo garë është kthyer në një garë me margjina gabimi pa lider aktual të qartë. Si Trump ashtu edhe Harris kanë rrugë të shumta praktike për 270 vota elektorale.
Trump tani ka 24 shtete (dhe një distrikt kongresi në Maine) që mbështeten në drejtimin e tij, të cilat gjithsej i sjellin 219 vota elektorale, 51 vota më pak nga 270 që kërkohen për të fituar.
Nga ana e saj, Harris ka 19 shtete plus Distriktin e Kolumbias ose fort në favor të saj ose të prirur në drejtimin e saj, gjë që e çon numrin e përgjithshëm të votave të saj elektorale në 225, 45 vota më pak se 270 vota të nevojshme për të fituar.
CNN e bazon këtë hartë në sondazhet publike dhe private, biseda me këshilltarë të fushatës, operativë politikë republikanë dhe demokratë, anëtarët e Kongresit dhe profesionistët politikë të përfshirë me grupe të jashtme të gatshëm për të qenë aktivë në garë.
Shtete të sigurta për republikanët (TOTAL: 188 vta elektorale)
Alabama (9), Alaska (3), Arkansas (6), Idaho (4), Indiana (11), Iowa (6), Kansas (6), Kentucky (8), Louisiana (8), Mississippi (6), Missouri (10), Montana (4), Nebraska (4), North Dakota (3), Ohio (17), Oklahoma (7), South Carolina (9), South Dakota (3), Tennessee (11), Texas (40), Utah (6), West Virginia (4), Wyoming (3)
Udhëheqin Republikanët: (TOTAL: 31 vota elektorale)
Florida (30), Maine 2nd Congressional District (1)
Shtete ku nuk dihet fituesi: (TOTAL: 94 vota elektorale)
Arizona (11), Georgia (16), Michigan (15), Nebraska 2nd Congressional District (1), Nevada (6), North Carolina (16), Pennsylvania (19), Wisconsin (10)
Udhëheqin demokratët: (TOTAL: 50 vota elektorale)
Colorado (10), Minnesota (10), Neë Hampshire (4), New Mexico (5), Oregon (8), Virginia (13)
Shtete të sigurta të demokratëve: (TOTAL: 175 vota elektorale)
California (54), Connecticut (7), Delaëare (3), DC (3), Haëaii (4), Illinois (19), Maine (3), Maryland (10), Massachusetts (11), Neë Jersey (14), New York (28), Rhode Island (4), Vermont (3), Washington (12)
Top Channel
