Zbardhet takimi i Rutte me Trump: Diskutuan sfidat e sigurisë globale me të cilat përballet aleanca 23/11 14:13
Një grup zhytësit kanë njoftuar se kanë hasur në ujërat pranë brigjeve të Skocisë të asaj që dyshohet se është rreënja e një luftanijeje britanike të Luftës së Parë Botërore në gjendje “thuajse të paprekur”.
Grupi beson se luftanija HMS Hawke – e fundosur prej një siluri gjerman në tetor 1914, është rrënoja e gjetur në fillim të javës në zonën britanike të Detit të Veriut.
Paul Downs, shoqërues i grupit të zhytëse dhe filmues i rrënojës së humbur, e përshkruante atë si “një zbulim që ndodh një herë në jetë” prej gjendjes së saj të mirë, të pabesueshme.
“Ajo është thuajse e paprekur,” tha ai për rrjetin AFP, duke shtuar se gjendja është e pabesueshme për një rrënojë që ka qëndruar për 110 vjet në det dhe u fundor me shpërthim siluri.
Grupi i zhytësve “Lost in Waters Deep”, i cili kërkon për rrënoja anijesh në ujërat e Skocisë, ishte prej disa vitesh në kërkim të rrënojës.
Vetëm 70 vetë nga ekuipazhi i luftanijes gjigante Hawke mbijetuan dhe më shumë se 500 humbën jetën, pas sulmit nga nëndetësja gjermane, në fillim të Luftës I Botërore.
Luftanija e prodhuar në1891, ishte 118 metra e gjatë dhe më shumë se 20 metra e gjerë.
Goditja shkaktoi një zjarr në bord dhe anija u fundos në ujërat e turbullta të detit të Veriut, në verilindje të Skocisë, brenda rreth 10 minutave, sipas të dhënave historike.
Ajo u gjet në thellësinë 150 metra.
Topat, armatimet dhe shumë nga pajisjet e tjera të saj shiheshin me sy të lirë, megjithë kohën e gjatë nën ujë, shkruan AFP.
Zhytësit thanë se kishin shpenzuar vite për lokalizimin e saktë të rrënojës, me kerkime fizike dhe hulumtime të ditarit të nëndetëses gjermane apo mjeteve të tjera që kishin pasur kontakt me të.
HMS Hawke ishte një nga luftanijet e para britanike të humbura në luftën brutale, teksa fillimisht ishullorët nuk përballonin dot forcën kërcënuese të nëndetësve gjermane./AFP/
Top Channel
