Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Legjenda thotë se atraksioni i njohur i shekullit të 17-të, Kulla e Londrës në qendër të kryeqytetit anglez, do të shembej nëse korbët besnikë do të largoheshin prej tij, dhe bashkë me të mund të shembej e gjithë mbretëria.
Prandaj asokohe mbreti Charles II urdhëroi rojet të kujdeseshin për ushqimin e korbëve dhe që numri tyre të mos binte asnjë herë poshtë gjashtës.
Këtë e di mirë dhe ish-marinsi Michael Chandler ka marrë rolin e kujdestarit të korbëve simbolikë e inteligjentë, të Kullës 900 vjeçare të Londrës.
Mbreti i dikurshëm nxitej për urdhrin e tij nga frika e humbjes së mbretërisë, prandaj ngarkoi rojet e zhevahirëve të kështjellës të kujdeseshin edhe për shpendët e zinj sqep-medhenj.
Ndërsa tani është 57 vjeçari Chandler, që e bën këtë rol solemn, duke u bërë ushtaraku i gjashtë që emërohet në postin e vjetër.
Me uniformën e tij të zezë e të kuqe, ai drejton një grup prej katër personash që ushqejnë, kujdesen e monitorojnë korbët fatsjellës.
Ai thotë se ka shërbyer më parë në luftërat e Irakut e Afganistanit, para se ta caktonin në Kullën e Londrës rreth 14 vjet më parë.
“Isha me fat që më ra ky rol, rashë në dashuri me ta dhe kujdesi është diçka natyrale, ata janë secili një individ më vete, njëlloj si ne”, thotë ushtaraku.
Janë aktualisht shtatë korbë që banojnë në burgun e fortesën e vjetër mbretërore, një më shumë se urdhri vjetër i mbretit.
Chandler tregon se dy prej zogjve Edgar e Harris, nuk e preferojnë mëngjesin e zogjve të ngordhur që ai i hedh nga hekurat e kafazit, shkruan rrjeti AFP.
Ndersa kolegët e tyre Poppy, Rex, Georgie e Jubilee kanë dalë duke u përzier me turistët e kompleksit të lashtë, i cili vizitohet nga rreth 3 milionë njerëz cdo vit.
Jetëgjatësia e korbëve në kulle është rreth 20 vjet, në krahasim me 10 deri në 15 vjet në botën e egër, ndërsa korbi më i vjetër në kullë raportohet se ka jetuar per 44 vjet, shkruan rrjeti AFP.
Top Channel
