Muzeu historik/ Banesa e patriotit Oso Kuka, atraksion turistik për të huajt

Ato shprehen se i pëlqen të njihen me historinë e Shkodrës dhe ky muze i fut ato në brendësinë dhe historinë që mbart qyteti i Shkodrës.

“Jemi nga Belgjika, Do të qëndrojmë 10 ditë në Shqipëri, por dy ditë në Shkodër. Ky muze, është me të vërtetë shumë i këndshëm, të shohësh trashëgimi kulturore, sepse është hera e parë që jemi këtu. Dhomat sipër janë të ruajtura shumë mirë dhe krijon idenë se si ishin. është vërtetë këndshëm”.

“Jemi nga Franca, kemi ardhur mbrëmë, po nisim të vizitojmë. është këndshëm të vizitosh një vend të tillë, sespe është interesante të dish për historinë këtu, historinë e artit, kostumet tipike”.

“Jam nga Italia, vërtet më pëlqen është shumë bukur. Më pëlqen kjo pikturë, duke qenë se jam nga Italia, jam i lidhur me këtë lloj arti. Do të vizitojmë muzeun “Marubi”, do të shkojmë në kalanë “Rozafa”.

“Jemi nga Holanda, sapo arritëm këtu sot, na pëlqen qyteti, është interesante të mësosh për rrethina të caktuara dhe se si ka ndryshuar ariktektuara përgjatë shekujve. Mendoj se Shqipëria në përgjithësi, por Shkodra në veçanti është e pasur me histori, ka plot gjëra për të eksploruar. Më pëlqen piktura e madhe, ju sillni një histori të këndshme në të’, thanë turistët.

Muzeu i ka gjurmët e veta që në shekullin XIX me koleksionet e hershme të etërve françeskan dhe jezuitë, të cilët ruanin gjetje të epokave të ndryshme.

Në këtë shtëpi-muze gjenden shumë objekte, të cilat vijnë pothuaj nga të gjithë zonat gjeoetnografike të qytetit të Shkodrës, si: Dukagjini, Malësia e Madhe, Zadrima, e Kraja. Në Muzeun Historik “Oso Kuka” të Shkodrës ndodhet gjithashtu dhe një galeri prej mbi 100 veprash arti, ku shfaqen disa prej piktorëve më të njohur shkodranë, si: Kol Idromeno, Simon Rrota, Kel Kodheli etj.

Top Channel