Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Një ekip mjekësh në Milano u përballën me një rast ekstrem kur një 54-vjeçari iu desh t’i hiqej një pjesë të kockës dhe t’i zëvendësohej me një shakull, pasi një brinjë e thyer nuk ishte shëruar siç duhet dhe po i shtypte një nerv në gjoks.
Italiani i cili ishte një duhanpirës , ishte përfshirë në një aksident vite më parë, i cili i dobësoi kafazin e kraharorit. Episodet e shumta të kollitjes e kishin çuar në vitin 2023 në urgjencë dhe prej andej në shtratin e operacionit shtatorin e kaluar, për shkak të dhimbjeve të padurueshme.
Testet imazherike treguan se brinja e tetë në anën e majtë ishte thyer, duke lënë një boshllëk prej rreth 3.8 centimetra në mes të kockës. Poroza (bashkimi) i kockës nuk ishte realizuar plotësisht për shkak të kollitjes së vazhdueshme, duke rezultuar në formimin e indeve midis kockave të thyera, të cilat po shtypnin nervat ndërbrinjëorë, të cilët kalojnë nëpër brinjë, gjoks dhe stomak.
Kirurgët i bënë një prerje të vogël në gjoks për të hequr formimin shtesë të kockave dhe për të dekompresuar nervin, në mënyrë që pacienti të çlirohej nga dhimbja. Më pas, ata vendosën një tel të hollë 7,62 cm për të mbajtur brinjën e thyer.
Brenda 24 orëve nga operacioni, pacienti nuk pati më dhimbje dhe nuk pati shqetësime për gjashtë javë.
Incidenti është publikuar në American Journal of Case Reports. Mjekët që kryen operacionin raportuan: Një 54-vjeçar u paraqit me dhimbje në murin e majtë të kraharorit, e cila ishte shkaktuar nga një kollë kronike. Imazhi tregoi frakturë pseudoartroze të brinjës së 8-të të pasme të majtë. Pas dështimit të trajtimit konservativ, ne propozuam një qasje kirurgjikale që synon heqjen e indit që ka krijuar pseudartrozën, çlirimin e nervit dhe stabilizimin e mbetjeve kockore.
Dhimbja u qetësua plotësisht menjëherë pas operacionit. Pacienti u lirua pas 24 orëve. Në ndjekjen gjashtëjavore, ai ishte ende asimptomatik dhe një skanim i ri CT rikonfirmoi vendosjen e duhur të splintës. Nga vlerësimi i menjëhershëm pas operacionit deri në vizitën e fundit pasuese, raportohet se është në gjendje të mirë shëndetësore.
Pacienti u zbulua se kishte mungesë të vitaminës D, e cila mund t’i dobësojë kockat dhe të çojë në osteoporozë, duke rritur rrezikun e frakturave të rënda.
Top Channel
