Të shtëna me armë zjarri në Kurbin, 33-vjeçari qëllon në drejtim të një lokali
31/07/2024 12:25
Organizonin baste sportive online, arrestohen 6 persona në Tiranë 24/11 09:43
33-vjeçari Gentjan Markaj ka qëlluar me armë zjarri në drejtim të një lokali në Kurbin, i cili ndodhej në pronësi të Fatjon Stakajt.
Fatmirësisht, nuk ka asnjë shtetas të dëmtuar, vetëm dëme materiale, me ngjarjen që dyshohet se ka ndodhur për motive të dobëta.
Autori i dyshuar, sapo ka parë shërbimet e Policisë, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Shërbimet e Policisë janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.
Grupi hetimor, në drejtimin e Prokurorisë, vijon hetimet për sqarimin e rrethanave dhe sekuestrimin e provave, me qëllim dokumentimin e plotë ligjor të këtij rasti.
Top Channel
