Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Huw Edwards, dikur prezantuesi më i vjetër i lajmeve në BBC, është deklaruar fajtor për tre akuza për shpërndarjen e imazheve të pahijshme të fëmijëve.
Ai pranoi se kishte 41 foto të pahijshme të fëmijëve, të cilat i ishin dërguar nga një burrë tjetër në WhatsApp, tha Gjykata e Magjistraturës në Westminster.
Fotot ishin të fëmijëve të moshave rreth 7 -9 deri 15 vjeç. Policia më vonë zbuloi se njeriu që i dërgoi imazhet Edwards ishte një pedofil i dënuar.
Deri vitin e kaluar, Edwards ishte një nga prezantuesit kryesorë në BBC One’s News në Ten dhe shpesh drejtonte mbulimin e ngjarjeve të mëdha kombëtare.
BBC reagoi duke shprehur se media është e tronditur nga ngjarja dhe prezantuesi do të ishte shkarkuar nëse do të ishte akuzuar përpara se ai vetë të largohej në muajin prill.
“Nuk mund të ketë vend për një sjellje të tillë të neveritshme dhe mendimet tona janë me të gjithë ata që janë prekur”, deklaroi BBC.
Ai u akuzua muajin e kaluar dhe tani mund të përballet me një dënim me burg. Teksa i lexuan akuzat, ai u përgjigj tre herë “jam fajtor”, në heshtje dhe qetësi.
Top Channel
