Ish-gjyqtarja Pajtime Fetahu është nën arrest shtëpiak, pas aprovimit të Gjykatës së Posaçme Antikorrupsion, e cila ka aprovuar 30 masa sigurie këtë të mërkurë.
Ka nisur një operacion i gjerë nga SPAK, pas lëshimit të urdhër arresteve. Gazetarja e Top Channel, Anila Hoxha, mëson operacioni i cili vijon ende nën drejtimin e Prokurorisë së Posaçme është vazhdim i “Plumbit të Artë”.
Operacioni “Plumbi i Artë”, i zhvilluar në maj të vitit 2022 goditi 8 grupe kriminale në Elbasan, Durrës dhe në Tiranë.
Operacioni u zhvillua menjëherë pas arrestimit të shumë të kërkuarit Nuredin Dumani, i cili u kap gjatë operacionit policor të koduar “Arratia” në Fier.
Gjatë operacionit policor të koduar “Golden bullet” janë ekzekutuar 18 masa sigurimi, prej të cilave 9 masa sigurimi janë ekzekutuar në disa IEVP.
Top Channel
