“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Elisa Spiropali ka mbajtur fjalimin e parë si kryetare e Kuvendit të Shqipërisë.
Me 75 vota pro dhe 4 kundër, ajo u emërua mes tensioneve nga ana e opozitës.
Ish-ministrja për marrëdhëniet me Parlamentin, post të cilin tashmë e mban Taulant Balla, shprehu mirënjohje nga kolegët që votuan pro, dukë thënë se është “e prekur”.
Kryeparlamentarja nuk la pa përmendur edhe Lindita Nikollën, që mbante pak më herët këtë pozicion, për të cilën tha se “e ka pasur zili në punën e saj” dhe se “do të përpiqej t’i ngjante në përkushtim dhe durim”.
Ministrja i kërkoi disa herë opozitës që qetësohet dhe mos e ndërpresin në fjalën e saj, “Ju që jeni mësuar të debatoni me mua shpesh më ashpër se sa butë, do t’ju shoh njësoj përballë por nuk do të më keni përballë, do të më gjeni në krahun tuaj të djathtë”, iu drejtua ajo.
Spiropali: Të nderuar kolegë do kërkoja mirëkuptimin tuaj për këtë fjalë dhe vijojmë me debate në sesione të tjera. Mirënjohja është një fjalë që në gjuhën e dikujt që merret me politikë, tingëllon si trokitja e një gote kristali fallso.
Mirënjohja ka hyrë në garderobën e kostumeve të vjetra, jashtë mode. Dua të them që mirënjohjen që e kam kuptuar si detyrim e ndihej si një shtysë për të bërë më shumë nga sa kam mundur deri tani.
Jam e prekur si asnjëherë më shumë nga vlerësimi që më blatuat duke më zgjedhur kryetare të Kuvendit të Shqipërisë. Faleminderit me zemër.
E dimë mirë që është një ushtrim i vështirë politik, qytetar, personal, kolektiv, por jam e qartë që çfarë është mirë është e juaja dhe çfarë shkon keq është e kujdo që ngjisni këtu lart.
Mirënjohjen e blatoj qytetarëve që më sollën këtu në 2017 dhe më risollën në 2021 si deputete. Mirënjohjen ia kam detyrim secilit koleg.
Në këtë fjalë të parë jo polemike dhe në këtë situatë krejt atipike për mua duke pasur parasysh 3 vitet e mandatit qeverisës dua të falënderoj zonjën grua që zëvendësova sot.
E dashur Lindita gjatë këtyre viteve e drejtove këtë Kuvend me përkushtim dhe durim, deri dje kisha një zili, do përpiqem të të ngjaj në përkushtim dhe uroj të të afrohem sa më pak në durim.
Ju që jeni mësuar të debatoni me mua shpesh më ashpër se sa butë, do t’ju shoh njësoj përballë por nuk do të më keni përballë, do të më gjeni në krahun tuaj të djathtë.
Dua të më ndihmoni dhe ta dini nëse sot do të gjykoj se duhet të ndërhyj si palë do të zbres deri poshtë në foltore si pjesë e pandashme e palës.
Top Channel
