Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Sokotra është quajtur një nga ishujt me panoramën më aliene në botë, prej natyrës së tij të çuditshme dhe florës e faunës së rrallë.
I mbushur me specie të rralla dhe plazhe rëre të kuqe e të bardha, Sokotra gjendet rreth 200 km larg gadishullit Arabik dhe është pjesë e republikës së Jemenit.
Toka e tij është ndarë nga ajo e kontinentit disa milionë vjet më parë, teksa raportohet se ka qenë dikur pjesë e super-kontinentit të quajtur Gondwana.
Ishulli strehon më shumë se 800 specie të rralla faune e flore detare e tokësore, duke përfshirë pemët në formë çadre të njohura si “Gjaku i Dragoit” të cilat kanë fuqi shëruese prej rrëshirës së tyre të kuqe.
Kjo pemë mund të gjendet vetëm në këtë ishull dhe është simbol kombëtar i Jemenit.
Legjendat thonë se rrëshira e Gjakut të Dragoit përdorej nga luftëtarët për të shpejtuar shërimin e plagëve të tyre.
Banorët vendas në Sokotra përdorin lëngun e pemës si një ilaç që shëron gjithçka.
Panorama gjysmë shkretëtirë e ishullit vjen prej klimës së ashpër me temperatura mesatare 25 gradë, me reshje të pakta gjatë vitit.
Ishulli njihet për diversitetin e zvarranikëve, 95 përqind e të cilave gjenden vetëm aty.
Sokotra njihet gjithashtu për temjanin e saj aromatik, xhevahirët e rrëshirës së fosilizuar, bimët dhe perlat detare.
Origjina e fjalës ‘Sokotra’ mbetet mister, por studiuesit besojnë se vjen nga gjuha e vjeter indiane Sanskrit dhe fjala ‘dvipa sukadara’ që do të thotë ‘ishulli i bekimit’.
Vendi ka rreth 50 ,000 deri në 60,000 banorë dhe është shpallur trashëgimi botërore e UNESCO në 2008, por udhëtimet aty janë të kufizuara prej konfliktit që vijon prej vitesh në Jemen, shkruan rrjeti The Sun.
Top Channel
