![](https://top-channel.tv/wp-content/uploads/2024/07/ramaa_sd-1-800x450.jpg)
Tjetër operacion në dalje për Juventusin. Pas Matias Soule, që është vetëm një hap larg transferimit te Roma, bardhezinjtë kanë gjetur akordin edhe për shitjen e mbrojtësit të talentuar holandez Dean Huijsen.
Ky i fundit sezonin e kaluar ishte në huazim te Roma, ku luajti disa ndeshje, por nuk mori mbështetjen e trajnerit Thiago Motta, ndaj sezonin e ardhshëm pritet të luajë shanset e tij në Premier League.
Media italiane bën me dije se Juventusi ka arritur marrëveshjen me Bournemouthin për shitjen e Huijsen për 15 milionë euro, shifër që mund të shkojë në 18 milionë euro bashkë me bonuset.
Nga ana tjetër, mbrojtësi i talentuar pritet të firmosë për 4 sezone, teksa nga kontrata do të përfitojë rreth 2.5 milionë euro në vit, shifër ndjeshëm më e lartë se ajo që merrte te Juventusi.
Me paratë e Huijsen, por edhe të Soule, Juventusi pritet të bëjë një sulm final për mesfushorin holandez Teun Koopmeiners, i cili vlerësohet 60 milionë euro nga Atalanta, por kërkohet me ngulm nga Thiago Motta.
Top Channel