Rumania mban zgjedhjet presidenciale/ 13 kandidatë në garë për postin e kreut të shtetit 24/11 09:43
Grupet e shpëtimit në Kentucky quanin sot “mrekulli” mbijetesën e një ekskursionisti të zhdukur prej dy javësh në një kompleks të largët kanionesh në Lumin e Kuq Gorge.
46 vjeçari Scott Hern, u gjet gjatë nga grupe e kërkimit të Wolfe County, në atë që do të ishte dita e fundit e kërkimit të tyre.
Zyrtarët thanë se u habitën nga mbijetesa e burrit që nuk kishte pasur ushqim prej 12 ditësh.
Në postimin e tyre në Facebook, punonjësi i shpëtimit Eric Wolterman përshkruante gjetjen emocionale të Hern të dielën.
“Do të ishte dita jonë e fundit e kërkimit, nëse e gjenim apo jo. Ne shpenzuam orë të tëra duke kërkuar mes bimësisë dhe terrenit të ashpër. Por kur zbuluan gjurmë të baltë atëherë ndaluam dhe u riorganizuam”.
Zyrtarët thanë sesi kishin dëgjuar më në fund zërin e të zhdukurit dhe e gjetën atë rrëzë kodrës me fuqi të ezauruara.
Zoti Hern ishte parë herën e fundit më 6 korrik, teksa ishte nisur për të eksploruar ujëvarat e rajonit.
Pas shpëtimit ai u dërgua në spital me helikopter dhe tashmë është duke u rikuperuar.
Guvernatori i Kentucky, Andy Beshear vlerësonte punën e kërkuesve që sipas tij kishte sjellë “një rezultat të jashtëzakonshëm”.
Zona gjeologjike e Red River Gorge në lindje të Kentucky njihet për shkëmbinjtë e thepisur dhe frekuentohet shumë nga amatorët e alpinizmit.
Top Channel
Rumania mban zgjedhjet presidenciale/ 13 kandidatë në garë për postin e kreut të shtetit 
