Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Priftërinj hindu të veshur me shafran dhe anëtarë të grupit nacionalist Hindu Sena (Ushtria Hindu) performonin sot rituale zjarri dhe brohorisnin himne të fesë së tyre, duke u lutur për mirëqenien dhe jetën e gjatë të idhullit të tyre, ish-presidentit Donald Trump, pas tentativës ndaj jetës së tij në fundjavë.
Në ceremoninë speciale të lutjes në tempullin në New Delhi ata kërkonin që “armiqtë e Donald Trump të dështojnë” dhe jepnin besimet për ish-presidentin.
Besimtarët e vendosur mbanin postera të Trump në prehërin e tyre mbi të cilat kryenin ritualet e dhe kishin oferta ushqimi e zjarri qirinjsh me lutjet e tyre.
Drejtuesi ceremonisë Vishnu Gupta, fliste me entuziazëm për ceremoninë:
“Siç e dini Donald Trump u sulmua dhe një plumb i gërvishti veshin, por ai edhe mund të kishte vdekur. Ky ishte një akt i njerëzve që nuk besojnë te paqja e humanizmi, por i atyre që janë të vendosur për xhihad. Ata nuk duan që Donald Trump të bëhet përsëri president i Amerikës.”
Prifti Vishnu Gupta nuk tregonte arsyen e dashurisë së madhe për kandidatin amerikan, por shtonte se bekimet kane te bëjnë me “fenë hindu, ndalimin e Pakistanit dhe të muslimanëve radikalë”:
“Ne iu lutëm Zotit që armiqtë e Donald Trump të zhduken të gjithë dhe i dhamë atij bekimet tona të veçanta”.
“Ai (Trump) duhet të fitojë në zgjedhjet e ardhshme me shumicë dërmuese, në mënyrë që njerëzimi të mbrohet, Pakistani të mbetet në kufijtë e tij dhe islamistët radikalë të shkatërrohen, ndërsa India e Amerika të avancojnë e të lulëzojnë”, tha prifti hindu sipas rrjetit AFP.
Top Channel
