Ekskluzive/ Komisionerët duan të bëhen gjyqtarë! Zbardhet kërkesa e 12 anëtarëve të KPK për Këshillin e Lartë Gjyqësor
24/11 19:50
Rigels Kaso është gjetur sot në rrugë në Tiranë, me shenja dhune dhe në gjendje të rëndë shëndetësore.
42-vjeçari nga Bilisht është transportuar në spital ku po merr ndihmën e nevojshëm, ndërsa policia po heton për rrethanat e ngjarjes. Ndërkohë fqinjët e tij e përshkruajnë si një person të qetë dhe aspak problematik, duke thënë se punonte në Bilisht, dhe jo në Tiranë.
“Ishte djalë i shkëlqyer, edhe mos e kishe mendjen do të fliste nëse të shihte në rrugë jo vetëm mua por të gjithëve.
Tani po e bisedoja me gruan edhe u çuditëm. Ai jetonte në Bilisht, në këtë pallatin këtu.
Këto 2- 3 ditë nuk e kam parë. Ai jetonte vetëm, e ëma jetonte jashtë shtetit. Ai rrinte me gjyshen , pas vdekjes së gjyshes jetonte vete. Ai ishte specialist elektrik, punonte edhe punë private kur e thërrisni.
Edhe ne kur kishim probleme e thërrisnim e vinte, bile s’na merrte as lekë. Nuk punonte në Tiranë , se di pse ka shkuar. Nuk e di çfarë ka në Tirane. Si njeri është i shkëlqyer”, shprehet një prej fqinjëve të tij për gazetaren e Top Channel Dhorjela Çule.
Top Channel
