Nesër 1 vit nga masakra e Hamasit, Presidenti Herzog: Izraeli vazhdon të kërkojë paqe me fqinjët! 06/10 11:15
Një spital për fëmijë është dëmtuar rëndë në kryeqytetin ukrainas Kiev, teksa 24 persona u vranë në sulmet ruse në të gjithë vendin, thonë zyrtarët.
Në Kiev të paktën 10 persona u vranë në një sulm të rrallë gjatë ditës në qytet. Pamjet nga Spitali i Fëmijëve Ohmatdyt treguan dëme të mëdha, me kryebashkiakun e qytetit që tha se kishte viktima nga shpërthimi.
Kreu i administratës ushtarake në qytetin qendror të Ukrainës, Kryvyi Rih, tha se të paktën 10 persona ishin vrarë atje, me tre të tjerë të vrarë në qytetin lindor të Pokrovsk dhe një në Dnipro.
Presidenti ukrainas Volodymyr Zelensky, i cili po viziton Poloninë ku pritet të nënshkruajë një pakt sigurie, tha se Rusia duhet të përballet me pasoja për sulmet e saj ndaj civilëve.
“Qytete të ndryshme: Kiev, Dnipro, Kryvyi Rih, Sloviansk, Kramatorsk. Më shumë se 40 raketa të llojeve të ndryshme. Ndërtesat e banimit, infrastruktura dhe një spital për fëmijë u dëmtuan,” tha Zelensky.
Top Channel
