Franca refuzon rezolutën e samitit COP29 në Azerbaixhan për karburantet fosile (fotot) 21/11 19:34
Ish-zyrtari rus i inteligjencës Sergei Beseda shërbeu për disa dekada në aparatin e Kremlinit, para se karriera e tij të përfundonte në katastrofë, shkruan The Times.
Drejtori i Shërbimit të 5-të të FSB është një spiun i vjetër u detyrua te largohej nga puna javës që shkoi pas fajësimit për mungesë përgatitjesh para nisjes së konfliktit në lindje të Ukrainës në shkurt 2022.
Megjithëse disa thonë se inteligjenca ruse është një ‘tigër prej letre’, dy vitet e fundit kanë treguar se në komente krize shërbimet e sigurisë janë rigrupuar dhe kanë reaguar me një vetëbesim të fortë.
Tre agjencitë ruse të sigurisë kombëtare FSB, GRU e SVR — dikur rivalizonin njëra-tjetrën por tashmë janë gjithnjë e më shumë në bashkëpunim, dhe atyre si Beseda u tregojnë derën, për të mbledhur një gjeneratë më të re spiunësh në radhët e tyre, sipas burimeve të inteligjencës ukrainase.
Në to sipas ‘The times’, përfshihen aksionet e vrasjeve, tentativat e grusht-shtetit, të fshehta ose të hapura, në një nivel spiunazhi tashmë të ngjashëm me atë të kohës së Luftës së Ftohtë.
“Përveç atyre që pikasen, shume operacione nuk kuptohet që janë në zhvillim,” thotë Oleksandr Danylyuk, ish-këshilltar inteligjence i Ukrainës. “Operacionet që dalin në dritë janë vetëm një pjesë e vogël e atyre që kryhen realisht”.
Sipas burimeve ukrainase, inteligjenca ushtarake ruse GRU, ka zgjeruar operacionet dhe stafin e saj nga rreth 500 oficerë në 2022 deri në 2,000 sot.
Të specializuar në “vrasje shtetërore” dhe destabilizim politik, oficerët e njësisë 29155 janë implikuar në disa nga vrasjet më të rënda jashtë Rusisë, siç ishte helmimi i Sergei e Yulia Skripal në Britani, apo grushti i shtetit pro-rus në Malin e Zi.
Përdorimi i operacioneve sekrete është pjesë e pandashme e politikës së jashtme ruse, shkruajnë mediat perëndimore, duke datuar prej regjimit bolshevik dhe ekzekutimeve të tij barbare në Evropë të kundërshtarëve, si dhe agjitacionit në organizimin e kryengritjeve në Estoni, Rumani e Gjermani gjatë viteve 1920, sipas The Times.
Por që prej pushtimit të lindjes së Ukrainës detyra është bërë më e vështirë prej dëbimit të më shumë se 500 zyrtarëve diplomatikë rusë nga kryeqytetet evropiane dhe sanksioneve ekonomike e financiare që kanë kufizuar burimet e tyre.
Top Channel
