NATO dhe Ukraina bisedime urgjente pas sulmit rus me raketë balistike, kryeministri polak: Konflikti po merr përmasa dramatike 23/11 08:45
Një sulm me raketë ruse goditi një ndërtesë apartamentesh nëntëkatëshe në qytetin qendror të Ukrainës, Dniprotë premten, duke vrarë të paktën një person dhe duke plagosur gjashtë të tjerë, thanë zyrtarët.
Ministri i Brendshëm Ihor Klimenko paralajmëroi se numri i të vdekurve mund të rritet pasi njerëzit mbeten të bllokuar brenda ndërtesës, katër katet e fundit të së cilës u shembën nga sulmi. Një foto e postuar nga guvernatori Serhiy Lisak në Telegram dhe foto të tjera të postuara në mediat sociale treguan një ndërtesë të dëmtuar dhe tym që derdhej nga një vrimë e madhe në katet e sipërme të saj.
Një foshnjë 7-muajshe është mes të plagosurve, tha Lisak. Tre persona janë në gjendje të rëndë. Presidenti Volodymyr Zelensky u ka bërë thirrje aleatëve të Ukrainës që të rrisin furnizimet me sisteme të mbrojtjes ajrore për të ndihmuar ushtrinë të zmbrapsë sulmet e rregullta ajrore të Rusisë.
Top Channel
