Fillon të ndizet merkatoja e Juventusit.
Mesfushori brazilian Douglas Luiz pritet të jetë [përforcimi i parë për skuadrën që nga sezoni i ardhshëm do të drejtohet nga italo-braziliani Thiago Motta.
Klubi bardhezi ka arritur marrëveshjen me Aston Villën për kartoni ne mesfushorit, që do të kushtojë 20 milionë euro, plus kartonët e dy futbollistëve Illing Junior dhe Barrenechea, të cilët do t’i bashkohen klubit anglez.
Douglas Luioz është në ShBA, ku po merr pjesë në Copa America me Brazilin, teksa pikërisht atje do të kryejë edhe testet mjekësore për llogari të Juventusit, para se të zyrtarizohet si futbollisti më i ri i bardhezinjve.
Pas brazilianit, Juventusi pritet të mbyllë edhe transferimin e portierit Di Gregorio nga Monza. Marrëveshja me klubin nga Brianza është arritur për shifrën e 20 milionë eurove, teksa Di Gregorio do të bëhet titullar i bardhezinjve, pasi Szczesny pritet të largohet drejt Arabisë Saudite. /Supersport
Top Channel
