Kriptomonedha e Trump kap shifrën marramendëse, “$TRUMP” vlen më shumë se 68 miliardë dollarë 19/01 20:36
Disa persona publikë janë dëmtuar nga mashtrimet kompjuterike, ku imitohen numrat e telefonit.
Kryeministri Edi Rama, përmes një reagimi në rrjetin social ‘X’, u bën thirrje qytetarëve që kanë marrë mesazhe në emrin e personave publikë, të verifikojnë paraprakisht vërtetësinë e dërguesit, që të shmangin kurthin e kësaj loje kriminale.
Rama shkruan se Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve.
“Një lojë mashtruese me kompjutera që imitojnë numrin e telefonit për të dërguar mesazhe të rreme, ka dëmtuar disa persona deri më sot. Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve.
Por ndërkohë që policia vazhdon punën e saj për identifikimin e të tjerëve, u sugjeroj të gjithë atyre që marrin mesazhe në emrin e personave publikë, të verifikojnë paraprakisht vërtetësinë e dërguesit, që të shmangin kurthin e kësaj loje kriminale.”-thuhet në reagimin e Ramës.
Kjo skemë virtuale po përdoret prej kohësh jo vetëm në emër të institucioneve të ndryshme, por tashmë edhe në shtirje si personazhë publik të njohur, ku nuk kanë munguar rastet e manipulimit duke dërguar mesazhe si politikanë. Reagimi i kryeministrit Rama tregon nevojën për të pasur vëmendje të shtuar ndaj këtij fenomeni.
Një lojë mashtruese me kompjutera që imitojnë numrin e telefonit për të dërguar mesazhe të rreme, ka dëmtuar disa persona deri më sot. Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve. Por…
— Edi Rama (@ediramaal) June 22, 2024
Top Channel
