Kabineti i ri i Donald Trump, Reuters: Ja posti që pritet të marrë Richard Grenell 07/11 01:26
Mbledhja e radhës e Komisionit Hetimor për Check up dhe Sterilizimin ka nisur me debate mes nën kryetarit Plarent Ndreca dhe deputetes demokrate, Ina Xhupa.
Zhupa kërkoi mos praninë e Milva Ekonomit në mbledhje gjatë pyetjes së audituesve të KLSH, pasi sipas saj përbën konflikt interesi.
Deputetja Ina Zhupa theksoi se “një nga anëtaret e komisionit në pozicionin e vet si drejtoreshë e Fondit të Sigurimit të Detyrueshëm të Kujdesit Shëndetësor ka nënshkruar kontratë koncensionare me Saniservice për koncesionin e sterilizimit. Për sa kohë ne do të marrim në pyetje anëtarët e KLSH të cilët kanë audituar dhe i del emri në raport një nga anëtaret e komisionit, a duhet të qëndrojë anëtarja e komisionit dhe të marrë në pyetje ata që e kanë audituar në kohën që ka qenë drejtoreshë e fondit, pra a ka një konflikt interesi?”
Nga ana tjetër, Ekonomi tha se nuk është në konflikt interesi, pasi kontrata që ka nënshkruar si drejtoreshë e FSDKSH në vitin 2015 me një prej kompanive koncesionare “Saniservise”, ka qenë kontratë financiare.
Ekonomi tha se FSDKSH nuk harton kontrata dhe s’ka qenë në procesin e përzgjedhjes së kompanive dhe se në atë kohë nuk mbante mandatin e deputetes.
Zhupa: Për sa kohë do të marrim në pyetje anëtarët e KLSH,
Zhupa: A duhet që kryetarja të marrë në pyeteje ata që dikur e kanë audituar, a ka një konflikt interesi? Nëse vendoset, të merret një vendim dhe për çështje kuorumi , nëse do të qëndrojë në mbledhje apo jo që edhe gjetjet, edhe pyetjet që nesër të mos ketë problematika si një material i ndotur në pikëpamje proceduriale. PD ka pyetur që më parë dhe në diskutimet që u bënë e lamë që rast pas rasti do të ngrihej ideja e konfliktit të interesit, në këtë raporte që do të marrim përsipër është edhe emri i Milva Ekonomi.
Ndreca: Më vjen keq që vazhdoni me idenë që mendoja se e kishit kaluar, zonja Konomi ka ushtruar një detyrë publike dhe KLSH, për rrjedhojë nuk ka asnjë konflikt interesi. Nuk kemi objekt kontrolli individë të caktuar por çështje të caktuara.
Zhupa: A mund të hetojë zonja Ekonomi veten?
Vokshi: Nuk mund të vijojmë kështu se do ju mbyll mikrofonin të gjithëve. Kur të jesh tek vendi im vër rregulla.
Ndreca: Nëse keni ardhur me mendje për të hetuar njerëz? Pse ndërhyn?
Vokshi: Emri i komisionit hetimor, heton.
Ndreca: S’kemi individë në objekt, kemi çështje, nëse dalim në individë do të shohim çdo të bëjmë.
Komisioni Hetimor për Shërbimet Publike të Sterilizimit dhe Check-Up në shëndetësi, do të zhvillojë disa seanca dëgjimore, me përfaqësues të KLSH dhe përfaqësues të nismës “Thurje”, për të sqaruar rrethana të ndryshme, që lidhen me çështjen.
1. Ora 11:00 – Bexhet Zeqiri
2. Ora 12:00 – Brunilda Zenelaj
3. Ora 13:00 – Eduard Stafasani
4. Ora 14:00 – Melina Kabo
5. Ora 15:00 – Semiram Jakupi
Ora 16:00 Nisma “Thurje”
Endrit Shabani
Panajot Soko
Artan Koni
Top Channel
