“Ylli” i Gjeorgjisë bën veprimin e papritur, shkon e takon idhullin e tij sapo përfundoi ndeshja 27/06 17:58
Pasi mbylli eksperiencën e fundit me Lazion, trajneri Maurizio Sarri është vendosur në kërkim të aventurës së radhës.
Në shumë raste, trajneri 65-vjeçari është shprehur se kërkon një klub që t’i dhurojë motivim të lartë dhe që ta intrigojë, e këtë mesa duket italiani e ka gjetur në Greqi.
Kjo pasi gjithnjë e më shumë po “merr jetë” ideja për të trajnuar skuadrën e Panathinaikos në Superligën greke. Sipas “Sky Sport”, grekët kanë nisur hapat e parë për të mbërritur te Sarri duke i vendosur mbi tavolinë një ofertë të rëndësishme financiare.
Për momentin, Sarri ka kërkuar pak kohë për të mos u nxituar, me italianin që duket i “joshur” nga një aventurë në Ballkan. Sezonin e fundit, Panathinaikos e mbylli kampionatin në vendin e katërt dhe i duhet të kalojë nëpërmjet kualifikueseve për të marrë pjesë në Europa League.
Sakaq, vlen të theksohet se më herët Sarri ka pasur interesin edhe të Fiorentinës e Bolognas në Serie A./ SuperSport
Top Channel
